聽朝阿甲次直播場次，聖達菲聯主場惡鬥ＣＡ科爾多瓦中央。兩隊都喺上仗開齋，信心漸復，ＣＡ科爾多瓦中央一向踢法保守，作客更加唔敢冒進，今仗唔慌多波入，寧捧2.5球入球細。（HOY 76周二早上8時13分直播）文:法達斯維
科爾多瓦中央習慣玩龜縮
雙方踏入阿甲次都開局不利，聖達菲聯頭2輪只得1和1負，直至上仗憑盧卡斯美路斯及祖亞昆穆斯基拉各建一功，以2比1力克拉魯斯，總算打開勝利之門，估計之後都會以務實作風去爭勝。另邊廂，ＣＡ科爾多瓦中央頭2輪輸晒兼淨吞3蛋，表現差強人意，去到上仗以1比0險勝聖羅倫素，終於開齋，有助提升信心。
不過ＣＡ科爾多瓦中央賽前有個壞消息，就係正選門將阿倫阿古利因肌肉受傷，今仗未能披甲，呢班波本身就係重視防守，近5仗入得2粒咁大把，其中4次開2球或以下，依家連正選門將都唔出得，必定擺下鐵桶陣玩龜縮，隨時悶戰一場，2.5球細盤係不二之選。
至於早少少開波嘅班菲特主場對貝格拉諾，兩軍頭3輪同樣勝和負各1，而班菲特不嬲都係穩陣行先，各項賽事近8仗，有7次開半場和，貝格拉諾初段亦唔多波入，半場和不妨追多鋪。（周二早上5時58分開賽）